У Лідзе адбыўся стыхійны мітынг пратэсту

У райцэнтры Ліда на Гарадзеншчыне сабрана ўжо каля двух тысяч подпісаў пад патрабаваньнем да ўладаў адмяніць рашэньне аб будаўніцтве заводу са шкоднай вытворчасьцю. Свой пратэст людзі выказалі і на стыхійным мітынгу, які адбыўся ўчора.

 Ад Лідзкіх муроў

Літаратурны альманах "Ад Лідзкіх муроў", які быў закрыты з-за недахопу сродкаў на яго выданьне, аднаўляецца

 Алеся Кіркевіча аштрафавалі на 1 мільён 225 тысячаў рублёў

24 сакавіка ў судзе Ленінскага раёна Гародні разгледзелі справу намесніка старшыні Маладога Фронту Алеся Кіркевіча за распаўсюд газеты “Хрысціянская абарона”.

Суддзя Ксенія Стасюкевіч вынесла штраф у памеры 1 мільён 225 тысяч паводле Кодэксу РБ аб адміністрацыйных правапарушэннях па арт. 22.9 (парушэнне заканадаўства аб сродках СМІ).

 Затрыманьні на дзень Волі

Супрацоўнікі міліцыі перашкаджаюць праезду ў Мінск дэмакратычных актывістаў для ўдзелу ў святкаванні Дня Волі.

 Лідзяне ўшанавалі памяць генерала Кандратовіча

Актывісты Таварыства беларускай мовы імя Францішка Скарыны ўсклалі кветкі да магілы міністра абароны БНР генерала Кандратовіча.

 “Наезд” на гарадзенскіх маладафронтаўцаў

Падчас адраджэньня гарадзенскай суполкі арганізацыі маладыя актывісты адчуваюць хвалю ціску з боку Камітэта Дзяржаўнай Бясьпекі.

Актывісты гарадзенскага Маладога Фронту апошнім часам адчуваюць асаблівую зацікаўлнасьць з боку КДБ, якая перацякае ў пагрозы і пакуль “стрыманы” перасьлед. Вераніка Велігор (экс-“анёлак” зь менскай Акцыі Любові 14 лютага) нядаўна атрымала на мэйл паведамленьне з пагрозамі, якія на прамую тычацца яе дзейнасьці. Дзяўчыне “мякка” напомнілі пра яе працу, вучобу і нават сям’ю, якія могуць пацярпець з-за яе актыўнасьці. Зрэшты, інтэрнэт-хуліганы ў пагонах у адказ атрымалі дакладны накірунак, куды яны мусяць пайсьці і што там рабіць…

 Лідзкі замак: рамонт ці рэстаўрацыя?

У Лідзе пачаўся “рамонт”, як паведамляе мясцовая прэса, замка пабудовы 1323 году. Наступны этап — рэстаўрацыя, яе архітэктурны праект знаходзіцца пакуль што на экспэртызе. Цяпер на замку працуюць рабочыя зь мясцовага будтрэсту № 19. Ці можна спадзявацца, што распачатае ў 1976 годзе аднаўленьне абарончай пабудовы нарэшце здолеюць скончыць?

 Дзьве тысячы восемьдзесят чацьверты...

Антыўтапічнае апавяданьне Вольгі Прысмыцкай з Баранавічаў, напісанае да Дня беларускай салідарнасьці. Напярэдадні 16 сакавіка Вольга хоча падзяліцца думкамі, адлюстраванымі ў апавяданьні.


2084
Еўлаш прачнуўся ў палове шостага, ультрагук спыніўся, як толькі ен расплюшчыў вочы, але ў вушах яшчэ некалькі хвілін непрыемна дзынкала. Устаўшы з ложка, паплеўся на кухню. Думка аб немагчымасьці прызвычаіцца да такога абуджэньня марнела з кожным глытком гарачай кавы.

 Збеглы рэцыдывіст абвешчаны ў рэспубліканскі вышук (абноўлена)

11 сакавіка каля 5 гадзіны раніцы з хірургічнага аддзялення гарадской бальніцы з‑пад варты збег арыштаваны за крадзёж і рабаванне мужчына 1953 года нараджэння.

Уцякач — мужчына, які быў абвінавачаны ва ўчыненні рабавання. Ва ўстанове аховы здароўя яго ахоўвалі два супрацоўнікі міліцыі. Збеглы быў неаднаразова судзімы. Праводзіцца службовая праверка.

 Палітычна актыўны? Пад скарачэнне!

На Бярозаўскім шклозаводзе «Нёман» (Лідскі раён) больш за 30 працоўных атрымалі пісьмовыя папярэджанні аб тым, што праз месяц з імі не будзе працягнуты кантракт.[/color]

Адзін з мясцовых актывістаў, Сяргей Трафімчык, распавёў, што кантракты на «Нёмане» звычайна працягвалі на пяць гадоў. А летась і сёлета, паводле яго словаў, многія супрацоўнікі прадпрыемства працуюць па скарочаным графіку, перадае «Радыё Свабода».

 “Лідскае” зараз і белае

Не так даўно “Лідскае піва” прапанавала беларусам свой новы прэміўм-гатунак. А з канца лютага ў крамах Ліды з'явілася новае “Лідскае”. Ідучы за моднай тэндэнцыяйі піўзавод пачаў выпускаць “Белае” піва.

Яно разліваецца ў шкляныя бутэлькі ёмістасцю 0,5 літра, а таксама ў ПЭТ ёмістасцю 0,75 літра. Па гусце піва чымсьці нагадвае “Альварыя “Белае золата”.

 Фізрука злавілі на хабары

У Лідзе затрыманы і ўзяты пад варту выкладчык фізкультуры адной з мясцовых навучальных устаноў.

Як паведамілі ў аддзяленні інфармацыі і грамадскіх сувязей УУС Гродзенскага аблвыканкама, 56‑гадовы выкладчык падазраецца ў атрыманні хабару ад студэнтаў за выстаўленне завышаных адзнак, вывядзенне сярэдняга бала, неабходнага для атрымання стыпендыі, за вырашэнне пытання аб адпрацоўцы заняткаў.

 Зала чакання лідскага аўтавакзала на час рамонту перанесена ў чабурэчную

Сёлета лідскаму аўтавакзалу выконваецца 40 гадоў. За гэты час ён не толькі перастаў адпавядаць мінімальным стандартам для будынкаў падобнага прызначэння, але і ні разу капітальна не рамантаваўся. Пра неабходнасць правесці рэканструкцыю аўтавакзала гаворка ішла даўно, але толькі сёлета пад шумок “Дажынак”, якія пройдуць у Лідзе ў верасні 2010 гады, былі вылучаны сродкі на рэканструкцыю.

 Чыноўнікі пакажуць у Лідзе чацвёртае вымярэнне спорту

Жыхары Ліды чакаюць з'яўлення ў горадзе першага 3D-кінатэатра. Пасля поспеху сталічнага кінатэатра "Кіеў" гарадскія ўлады заявілі пра магчымасць узвядзення аналагічнага аб'екта ў рамках падрыхтоўкі да рэспубліканскага свята "Дажынкі". Аднак, як стала вядома парталу TUT.BY, у спісе святочных новабудоўляў 3D-кінатэатр не значыцца. Затое ёсць лёдавы палац, амфітэатр, лыжаролерная траса, а таксама спартовы комплекс для гульнявых відаў спорту. Такім чынам, замест кінематаграфічнага 3D жыхары Ліды атрымаюць спартовае 4D.

 Перакрыты канал пастаўкі наркотыкаў

У Лідзе перакрыты канал пастаўкі наркатычных сродкаў, паведаміла карэспандэнту БЕЛТА супрацоўнік прэс-службы УУС Гарадзенскага аблвыканкама Марына Чучва.

Пры правядзенні аператыўна-вышуковых мерапрыемстваў супрацоўнікі аддзела па барацьбе з наркотыкамі і супрацьдзеянню гандлю людзьмі Лідскага РАУС затрымалі мясцовага жыхара 1972 года нараджэння, працаўніка адной з прыватных фірмаў. Пры ім было выяўлена амаль 22 г марыхуаны і 105 г (460 таблетак) метамфетаміна.