У верасьні -- Дажынкі
У другой дэкадзе верасьня ў Лідзе адбудуцца "Дажынкі-2010". 5 студзеня адпаведнае распараджэньне падпісаў прэзідэнт Беларусі.
Лідзяне бачаць у гэтым добрую вестку -- пры падрыхтоўцы да сьвяткаваньня гораду нададуць прыгожы выгляд.
Для падрыхтоўкі і правядзеньня фэстывалю-кірмашу будзе створаны аргкамітэт, які ўзначаліць намесьнік прэм’ер-міністра Іван Бамбіза.
На фэстывалі-кірмашы будзем традыцыйна сустракаць пераможцаў рэспубліканскіх спаборніцтваў за дасягненьне высокіх вынікаў на ўборцы збожжа, вырошчваньні лёну, вытворчасьці жывёлагадоўчай прадукцыі й інш. Плянуецца ўзнагародзіць пераможцаў дзяржаўнага конкурсу "Землекарыстаньне высокай культуры земляробства, добраўпарадкаванне машынных двароў, жывёлагадоўчых фермаў і комплексаў".
|