Алеся Кіркевіча аштрафавалі на 1 мільён 225 тысячаў рублёў
24 сакавіка ў судзе Ленінскага раёна Гародні разгледзелі справу намесніка старшыні Маладога Фронту Алеся Кіркевіча за распаўсюд газеты “Хрысціянская абарона”.Суддзя Ксенія Стасюкевіч вынесла штраф у памеры 1 мільён 225 тысяч паводле Кодэксу РБ аб адміністрацыйных правапарушэннях па арт. 22.9 (парушэнне заканадаўства аб сродках СМІ). Хлопец заявіў, што збіраецца абскарджваць рашэння суда ў вышэйшых установах, бо не лічыць яго правамерным. Апошнім часам гарадзенскія маладаафронтаўцы як ніколі адчуваюць ціск з боку КДБ. Яшчэ заранёў на хлопца пачалі збіраць інфармацыю і пагражаць крымінальнай справай (па арт.193.1 дзейнасць ад імя незарэгістраванай арганізацыі). Іншым сябрам дасылаюць лісты, дзе невядомыя раяць хвалявацца пра родных, працу і вучобу.
| 